ਵੇਖੋ ਕੌਣ ਕੱਢਦਾ ਹੈ ਤੁਹਾਡੇ ਮਨਪਸੰਦ ਕਾਰਟੂਨ ‘ਡੋਰੇਮੋੰਨ’ ਦੀ ਆਵਾਜ਼

ਬੱਚਿਆਂ ਦਾ ਮਨਭਾਉਂਦੇ ਕਾਰਟੂਨ ਸ਼ੋਅ ਡੋਰੇਮੋੰਨ ਵਿੱਚ ਰੋਬੋਟ ਅਤੇ ਨੋਬਿਤਾ ਦੀਆਂ ਗੱਲਾਂ ਸੁਣ ਕੇ ਬਹੁਤ ਹਾੱਸਾ ਆਉਂਦਾ ਹੈ. ਜਾਪਾਨ ਵਿੱਚ ਬਣਨ ਵਾਲੇ ਇਸ ਸ਼ੋਅ ਨੂੰ ਹਿੰਦੀ ਵਿੱਚ ਵੀ ਵਿਖਾਇਆ ਜਾਂਦਾ ਹੈ. ਪਰ ਕੀ ਤੁਸੀਂ ਜਾਣਦੇ ਹੋ ਇਸ ਕਾਰਟੂਨ ਸ਼ੋਅ ਵਿੱਚ ਡੋਰੇਮੋੰਨ, ਨੋਬਿਤਾ ਅਤੇ ਹੋਰ ਕੈਰੇਕਟਰਾਂ ਨੂੰ ਆਵਾਜ਼ਾਂ ਕੌਣ ਦਿੰਦਾ ਹੈ.

ਕਾਰਟੂਨ ਉਂਝ ਤਾਂ ਬੱਚਿਆਂ ਨੂੰ ਹੀ ਪਸੰਦ ਹੁੰਦਾ ਹੈ. ਜੰਗਲ ਬੂਕ ਅਤੇ ਟਾੱਮ ਐੰਡ ਜੇਰੀ ਅਤੇ ਕੁਛ ਅਜਿਹੇ ਕਾਰਟੂਨ ਹਨ ਜਿਨ੍ਹਾਂ ਨੂੰ ਬੱਚਿਆਂ ਦੇ ਨਾਲ ਨਾਲ ਵੱਡੇ ਵੀ ਵੇਖਣਾ ਪਸੰਦ ਕਰਦੇ ਹਨ. ਪਰ ਡੋਰੇਮੋੰਨ ਲਈ ਲੋਕਾਂ ਦੀ ਪਸੰਦ ਬਹੁਤ ਜਿਆਦਾ ਹੈ. ਬੀਤੇ ਕੁਛ ਸਾਲ ਤੋਂ ਡੋਰੇਮੋੰਨ ਨੇ ਬੱਚਿਆਂ ਨੂੰ ਆਪਣਾ ਫੈਨ ਬਣਾ ਰੱਖਿਆ ਹੈ. ਬੱਚਿਆਂ ਨੂੰ ਇਸ ਤੋਂ ਪਰ੍ਹਾਂ ਕਰ ਪਾਉਣਾ ਸੌਖਾ ਨਹੀਂ ਹੈ.

---

ਕਈ ਮਾਪੇ ਤਾਂ ਬੱਚਿਆਂ ਨੂੰ ਡੋਰੇਮੋੰਨ ਤੋਂ ਪਰ੍ਹਾਂ ਰੱਖਣ ਲਈ ਟੀਵੀ ਨੂੰ ਲਾੱਕ ਲਾ ਦਿੰਦੇ ਹਨ ਪਰ ਕੁਛ ਮਾਪੇ ਕਹਿੰਦੇ ਹਨ ਕੇ ਡੋਰੇਮੋੰਨ ਨੂੰ ਵੇੱਖ ਕੇ ਬੱਚਿਆਂ ਦੀ ਹਿੰਦੀ ਵਿੱਚ ਸੁਧਾਰ ਹੋ ਰਿਹਾ ਹੈ. ਡੋਰੇਮੋੰਨ ਕਰਕੇ ਬੱਚੇ ‘ਸ਼ੁਕਰੀਆ’ ਅਤੇ ‘ਮਾਫ਼ੀ’ ਜਿਹੇ ਸ਼ਬਦਾਂ ਦਾ ਇਸਤੇਮਾਲ ਕਰਨ ਲੱਗ ਪਏ ਹਨ.

ਡੋਰੇਮੋੰਨ ਸ਼ੋਅ ਅਸਲ ਵਿੱਚ ਤਾਂ ਜਾਪਾਨੀ ਭਾਸ਼ਾ ਵਿੱਚ ਹੈ ਪਰ ਭਾਰਤ ਵਿੱਚ ਇਸ ਨੂੰ ਹਿੰਦੀ ਤੋਂ ਅਲਾਵਾ ਹੋਰ ਕਈ ਭਾਸ਼ਾਵਾਂ ਵਿੱਚ ‘ਡੱਬ’ ਕੀਤਾ ਜਾਂਦਾ ਹੈ.

---

ਪਰ ਕੀ ਤੁਸੀਂ ਜਾਣਦੇ ਹੋ ਕੇ ਡੋਰੇਮੋੰਨ ਨੂੰ ਹਿੰਦੀ ਵਿੱਚ ਆਵਾਜ਼ ਕੌਣ ਦਿੰਦਾ ਹੈ. ਇਹ ਆਵਾਜ਼ ਹੈ ਸੋਨਲ ਕੌਸ਼ਲ ਦੀ. ਸੋਨਲ ਨਾਂਹ ਸਿਰਫ਼ ਡੋਰੇਮੋੰਨ ਨੂੰ ਸਗੋਂ ਛੋਟਾ ਭੀਮ, ਮਾਈਟੀ ਰਾਜੂ ਅਤੇ ਪਾਵਰਪਫ਼ ਗਰਲਜ਼ ਜਿਹੇ ਕਾਰਟੂਨ ਨੂੰ ਵੀ ਆਪਣੀ ਆਵਾਜ਼ ਦਿੰਦੀ ਹੈ.

ਸੋਨਲ ਹੁਣ 25 ਵਰ੍ਹੇ ਦੀ ਹੈ. ਪਰ ਉਹ ਉਦੋਂ ਤੋਂ ਹੀ ਡੱਬਿੰਗ ਕਰਦੀ ਆ ਰਹੀ ਹੈ ਜਦੋਂ ਉਹ ਮਾਤਰ 13 ਵਰ੍ਹੇ ਦੀ ਸੀ. ਉਸ ਵੇਲੇ ਉਹ ਦੂਰਦਰਸ਼ਨ ਲਈ ਕੰਮ ਕਰ ਰਹੀ ਸੀ. ਸੋਨਲ ਦੀ ਮਾਂ ਆਲ ਇੰਡੀਆ ਰੇਡੀਓ ਵਿੱਚ ਅਨਾਉਂਸਰ ਸਨ. ਸੋਨਲ ਨੂੰ ਪਤਾ ਲੱਗਾ ਕੇ ਯੂਟੀਵੀ ਇੱਕ ਕੰਪੀਟੀਸ਼ਨ ਕਰਾ ਰਿਹਾ ਹੈ ਜਿਸ ਵਿੱਚ ਜਾਪਾਨੀ ਕਾਰਟੂਨ ਸ਼ੋਅ ਲਈ ਆਵਾਜ਼ ਦਾ ਟੇਸਟ ਦੇਣਾ ਹੈ. ਉਸ ਨੂੰ ਇਹ ਦੱਸਿਆ ਗਿਆ ਸੀ ਕੇ ਉਸਨੂੰ ਰੋਬੋਟ ਦੀ ਆਵਾਜ਼ ਵਿੱਚ ਬੋਲਣਾ ਹੈ.

ਸੋਨਲ ਦਾ ਕਹਿਣਾ ਹੈ ਕੇ ਉਸ ਨੂੰ ਨਹੀਂ ਸੀ ਪਤਾ ਕੇ ਡੋਰੇਮੋੰਨ ਇੰਨਾ ਹਿਟ ਹੋ ਜਾਵੇਗਾ. ਅੱਜ ਡੋਰੇਮੋੰਨ ਕਾਮਯਾਬ ਸ਼ੋਅ ਹੈ. ਇਸ ਨੂੰ 40 ਕਰੋੜ ਤੋਂ ਵੀ ਵਧ ਦਰਸ਼ਕ ਵੇਖਦੇ ਹਨ. ਡੋਰੇਮੋੰਨ ਦੀ ਆਵਾਜ਼ ਸੋਨਲ ਦੀ ਹੈ ਅਤੇ ਨੋਬਿਤਾ ਦੀ ਆਵਾਜ਼ ਸਿਮਰਨ ਕੌਰ ਨਾਂਅ ਦੀ ਕੁੜੀ ਦੀ ਹੈ. ਸਿਮਰਨ ਤੋਂ ਪਹਿਲਾਂ ਆਕਾਸ਼ ਆਹੂਜਾ ਨੋਬਿਤਾ ਲਈ ਆਵਾਜ਼ ਦਿੰਦੇ ਸਨ. ਸ਼ਿਜ਼ੁਕਾ ਦੀ ਆਵਾਜ਼ ਪਾਰੁਲ ਭਟਨਾਗਰ ਦਿੰਦੀ ਹੈ. ਨੋਬਿਤਾ ਦੇ ਮਾਪਿਆਂ ਦੀ ਆਵਾਜ਼ ਪੱਲਵੀ ਭਾਰਤੀ ਅਤੇ ਸਲੀਮ ਖਾਨ ਦਿੰਦੇ ਹਨ.

---

ਸੋਨਲ ਦਾ ਕਹਿਣਾ ਹੈ ਕੇ ਕਈ ਮਾਪੇ ਉਨ੍ਹਾਂ ਨੂੰ ਮਿਲਦੇ ਹਨ ਤਾਂ ਖੁਸ਼ੀ ਜ਼ਾਹਿਰ ਕਰਦੇ ਹਨ ਕੇ ਡੋਰੇਮੋੰਨ ਦੀ ਨਕਲ ਕਰਕੇ ਉਨ੍ਹਾਂ ਦੇ ਬੱਚੇ ਵਧੀਆ ਹਿੰਦੀ ਬੋਲਣ ਲੱਗ ਪਏ ਹਨ.